खेतो मे किसान

 

हलोतिये रो टैम है भाया अर खेतां मे किसान मोटा मोटा डीआई अर आधुनिक सीडल लियोड़ा अर एकला ही उमरा करे है।

हलोतिये रो टैम है भाया अर खेतां मे किसान मोटा मोटा डीआई अर आधुनिक सीडल लियोड़ा अर एकला ही उमरा करे है।

चार दिन पहला एक घटना सुणी कोई मोटियार रात मे एकलो तवी काठतो अर नींद री झपकी आणे सू हागे ही ट्रैक्टर रे टायर नीचे आयगो।केवणिया केवे कि आगे खेजड़ी में टक्कर ने ट्रैक्टर रूक गो अर टायर पूरी रात उणरे माते ही घूमियो।

जे कोई उणरे साथे होवतो तो ओ शायद वो किसान बच सकतो हो।संसाधन कम हा जणा एक एक कल्टी माते चार चार जणा बैठ ने बीज बावता,मतलब भाई ने भाई री ज़रूरत पड़ती ही।

साधन हा कोनी जणा काका भतीजा भातो लेने आवता।अर खेत नी बिजिजतो जेड़े उठे ही हथाई करता।दो घड़ी मोटो भाई चलावतो तो चार घड़ी छोटकियो चलावतो।

कोई हरिको बीज बोवण में होशियार होवतो तो कोई ट्रेक्टर चलावण मे।हमे तो हेडे हेडे पड़िया है।क्योंकि भाई भाई रे उमरा कोनी करे।या भाई कनु करावे कोनी।

जमानो जातो रियो साथिड़ो पगरघे रा पाँवड़ा भर ने खेत न्यारा करता हा अर बलदो सू जात हिलमिल ने खाता हा।अब तो इंच इंच माते मूडा रोपे है।

तरक़्क़ी अणूती कर ली पण अहंकार में रिश्ता ऐड़ा भूला है कि रात मे खेत जोतते रे लारे कोई भाई भतीज चाय लेने कोनी आ सके।

हेत प्रेम सू रेओ भाईड़ा घर घर मशीनों सू आधुनिकता आ सके पण अकेलापन मानव के लिए चोखो कोनी।

#thardesertphotography #farmer #kisan #agriculture #love #brotherhood #jat #patel #baisa #bishnoi #choudhary ab